Willemstad U11A - Orguyo F.C. 5-2 (4-1)

Awe nos prome wega di Orguyo F.C. E dia a kuminsa ku tur e muchanan a presenta na velt di Brievengat entre 12:15 – 12:30. Timothy no tabata na velt i nos a bai buske na su kas. Tambe hopi mayor i ruman a bin apoya e tim. Despues nos tur a bai velt di Willemstad huntu. Na e velt de Willemstad nos a kambia nos panja pa nos uniform i nos a kuminsa ku nos warming up. Nos a kuminsa e wega ku Nairich den gol, Wildrikson, Timothy i Rigene tabata e defensa. Ruchairo, Wendry i Joduard a hunga bolante i Charly ku Raylion a kuminsa dilanti. E wega a kuminsa 13:35. Nos tabata lucha bon pa e bala pero un par di nos hungado no tabata hunga den nan posishon. Esey a resulta ku un bala haltu di Willemstad a wordu toka pa Timothy i e bala a drenta nos mes gol. Pero esey no a kambia e bista di e wega nos tabata purba di pusha Willemstad patras di Ruchairo ku Charly tabatin un par di hugada masha bon mes. Un di e hungada a resulta ku Charly a anota e prome gol pa Orguyo F.C. den su historia pa empata e wega. Un par di minut despues un bala halu den nos defensa a wordu di kop den nos mes gol atrobe pa Willemstad bai ariba 2-1. Na e momentu ey e organsashon a kai den otro i Willemstad a logra di score 2 biaha mas prome ku haf taim pa e score bira 4-1.

Den haf taim nos a papia ku e muchanan i nos a pome Wendry hunga patras na luga di Rigene ku a bai medio kampo i Jeamel a drente pa Raylion. E wega a bira un tiki disorganisa. Pero dor di un hendsbal nos a hanja un penalty. Pero lastimamente e keeper di Willemstad a para e penalty di Charly. Tog nos muchanan a sigi hasi nan best i esey a resulta den un di dos gol di nos. Willemstad a skor in biaha i e wega a finalisa den 5-2. Pero pa prome biaha ku nas a hunga un wega nos a hunga masha bon mes. I si nos sigi asina nos por traha un tim hopi bon. I tambe nos ta hopi kontentu ku tur e mayornan i rumamnan ku a bin apoya e tim. Hopi great.

1-0 Willemstad U11A(own goal)

1-1 Orguyo F.C. (Charly)

2-1 Willemstad U11A(Own goal)

3-1 Willemstad U11A

4-1 Willemstad U11A

5-1 Willemstad U11A

5-2 Orguyo F.C.(Ruchairo)